Depot Deelen Konservéierung

Deelen

Abonnéiert Iech op Ären eegene virtuellen Tresorraum an deelt Informatiounen a Fichiere vun allen Zorten an absolutter Confidentialitéit. Gebraucht dësen ultra séchere Beräich fir Iech virun dem Verloscht, dem Déifstall oder der Zerstéierung vun Ären Donnéeë ze schützen.

Verwalt d'Benotzer, füügt der dobäi an huelt der ewech, vergitt d'Zougrëffsrechter (Liesen, Schreiwen, Änneren, Läschen), steiert Äert Ëmfeld op all Moment an ouni besonnesch technesch oder IT-Kenntnisser. Connectéiert Iech mat Ärem Login an den Zougangsrechter déi Dir krut un all Partner-Entreprisen a Clientë vu SeeZam.

Wichteg:
Nëmmen autoriséiert Benotzer hun Zougrëff op Informatiounen an d'App bitt vill Funktionalitéite fir d'Zesummenaarbecht tëscht de Benotzer ze erliichteren.

Tauscht all Zorte vu Computerfichieren, Dokumenter an Noriichten aus, sëtzt Är Rendezvousen dobäi a kritt Erënnerungen. Dank engem ultra-einfachen an intuitive Kontroll-Panneau steiert Dir den Informatiounsaustausch bannent Ärer Organisatioun.

  • Vergiesst E-Mailer déi refuséiert oder blockéiert gi wéinst ze groussen Anhäng, Makroen an net erkannte Fichiersformater.
  • Vergiesst dee ville Spam; A 96% vun de Fäll (Quell: Marsh) ass eng E-Mail den Ugrëffsvecteur fir Cyber-Ugrëff!
  • Vergiesst confidentiel Dokumenter vun deenen Dir net méi wësst, wou an a wéi enger Versioun ze ronderëm zirkuléieren.
  • Vergiesst Zweiwel ob e Mataarbechter sech Kenntnis vun engem Fichier verschaaft huet; hien hannerléisst siichtbar Spueren.

Fallstudie

De Sekretär vum Verwaltungsrot, e Client vu Seezam, riicht Konte fir d'Verwaltungsrotsmemberen an. E mëscht e Kont op fir den Affekot vun der Firma an och ee fir de Reviseur. E riicht de gedeelte Coffre-fort a fir den Austausch innerhalb vum Verwaltungsrot, en anere gedeelte Coffre-fort fir den Austausch mat der Affekoten-Etüden an och ee fir d'Echangë mat der Auditeursfirma. Hie gëtt de Participanten déi entspriechend Rechter jee no de Besoine vum Verwaltungsrot an den externen Acteuren. Et gi guer keng Dokumenter, Fichieren oder Noriichte méi per E-Mail verschéckt. D'Benotzer droen an aller Vertraulechkeet zum Datenaustausch bäi, ouni Interventioun vum internen IT-Departement an ouni d'Firmen-Serveuren ze benotzen.

Den Direkter vun enger Krisenzell séchert d'Vertraulechkeet vum Echange duerch d'Gebrauche vun engem gedeelten Tresor vu SeeZam. Hien erstellt Konte fir d'Vertrieder vun den ëffentlechen Autoritéiten an de Wëssenschaftler. Jidder PDF-Dokument, dat den Tresor verléisst, weist den Datum, d'Auerzäit an de Benotzer-ID, vun deem, deen d'PDF-Dokument aus dem Coffre-fort eraus geholl huet, filigran un. Hie weess op all Moment wien en Dokument agereecht oder geännert huet an et gelies huet.

D'medezinesch Beroder vun engem Veräin mussen d'medezinesch Formulaire consultéieren, déi néideg si fir eng Sportlizenz auszestellen. Esou bal de Fichier am Agangs-Coffre-fort, deen hinnen zur Verfügung gestallt gouf, beaarbecht ginn ass, deplacéiere si bestëmmt Dokumenter an en administrative Safe esou datt de Workflow weider goe kann.

Funktiounsschema

hello
abc
Neistart